&آنت سعــادة كل عــيد وآنت خير كل عأأأم&

مراااااااااحب اشحاالكم ان شاءالله كلكم بخير ..

وشو كان العيد وياكم وين طلعتو ووين سرتو وكم حصلتو عيديه ههههههههه

اليوم راح احط لكم تقرير هديتي للعيد من زوجي الغالي ربي يحفظه ..

والهديه هي حجز بفندق منتجع جبل علي للغولف والسبا

أول شي راح اخبركم عن الفندق  وراح اذكر سلبياته وايجابياته بنهاية التقرير

الفندق يقع فدبي بمنطقة جبل علي وهو من فئى ال 5 نجوم والوصل اليه ياخذ تقريبا ساعتين من الذيد أو راس الخيمه..وفيه وااايد انشطه والصراحه يباله اكثر عن يوم لانه نحن ماحطنا فيه وايد والانشطه اللي عندهم هي الغوالف وعندهم اسطبل خيول ويعلمونج ركوب الخيل وحديقة اطفال وانشطه مائيه والكثيييييييير..

وهاي معلومات زياده من النت:

محاطة ب128 فداناً من الحدائق الطبيعية الخلابة وملعب جولف خاص، إن منتجع جبل علي الجميل يقع على شاطئ رملي خاص طوله 1km.


يتميز منتجع جبل علي للجولف آند سبا بمجموعة 253 غرفة وجناح. جميع الغرف معينة بجمال وتتميز بمناظر على ملعب الجولف والمرينا وشاطئ البحر أو حدائق جميلة.

المرافق الترفيهية في الفندق تشمل بركتان سباحة بمياهٍ عذبة وواحدة بمياهٍ مالحة. يمكن للنزلاء الإستمتاع بمجموعة واسعة من الرياضات المائية الموجودة على الشاطئ بما في ذلك الإبحار وركوب الأمواج، والتزلج على الماء والتجديف. ويمكن لمحبي لعبة الجولف التمتع بملعب الغولف مع 9 حفر، الخاص للفندق.

وسيتمتع النزلاء الأصغر سناً في الفندق بنادي Peaco، الذي يقدم برنامج نشاط اسبوعي للأطفال الذين تتراوح أعمارهم بين 3 و 7 سنوات.

يتميز سبا الفندق الجميل بمجموعة 10 غرف للعلاج، وتقدم خياراً كبيراً من علاجات وتدليك الجسم Elemis. هناك أيضا مساحة واسعة رطبة مع جاكوزي، وغرف بخار وساونا، وكذلك Majlis للسيدات.
تقديم بارات ومطاعم منتجع جبل علي شيء للجميع ويمكن للنزلاء الإستمتاع بمجموعة واسعة من الأطباق العالمية في إعدادات متنوعة. يمكن للنزلاء أيضاً الإستمتاع بإفطار الفريسكو، ووجبة غداء خفيفة على الشاطئ أو عشاء مع قائمة طعام في المطاعم المتخصصة للمنتجع.


                                   وهاي الصور وبداية رحلتنا

هني فالدرب

ويهنا صوب جبل علي

نزلنا الشيشه  نعبي بترول وناخذ شوية سناكس

برج العرب

Mariem's area play loooooool

جريب بنوصل

واخيرا وصلنا

وهني مثل ماتجوفون السيكيورتي ما يدخلون اي حد الفندق ولازم ترواينهم ورقة الحجز أو تقوليلهم انج بتحجزين!!
يمكن لان العيد وزحمه اعتقد

اول ما دخلنا جفنا اسطبل الخيول

وهذا الفندق

أول ما دخلنا الفندق حسيت اني بمول !!

من كثر الزحمه وعند الرسبشن واقفين صف عشان الشيك أن 

واللوبي صدعه صغاريه يلعبون والناس يتريون واخرونا ساعه بسبة الزحمه وعقولتهم الغرف مب جاهزه

ويزاه الله خير كان شي مواطن فالرسبشن مدير الفندق اعتقد ساعدنا ودخلنا قبل الناس خخخ

ريلي يلس يرمسه انه نحن يايين من بعيد وتعبانين وعندنا صغيره وجي وتعاون ويانا

وهاي بطاقة الحجره يالله ندخل

اول مادخلنا ريلي عصب يوم جاف انهم محطين تون بيدز وجان يقول بسير ارمسهم  وقلتله يا حبيبي
ليش ما تلصق الشبريتين ببعض وخلاص احم احم ذكيه ههههه

نمنم تستكشف الغرفه

الحمام اكرمكم الله

وطبعا نسيت اقولكم يوم كنا فالدرب وقفنا عند مطعم يسوي مندي اسمه الجود وخذنا من عندهم مندي مضبي للغدا والصراحه كان وايد لذيذ
واسمحلولي صورت عقب ما كلنا ههههه

وطبعا اكيد من عقب المندي سيده رقاد ههههه
صدق كنا تعبانيين ورقاد ومانشينا الا ع العصر الساعه 5 ونزلنا صوب البحر
والمفاصيخ بشكل فضيع وحتى العرب متفصخين صدق لاعت جبدي منهم وماقدرنا ناخذ راحتنا لانه زحمه وكلهم طايحين عند البحر

وعلى المغرب خفت الزحمه واختفو الاجانب وميومتي جافت الحوض وجان تصيييييييح تبا تتسبح
ويوم دخلناها الحووض طلع انه الماي بارد وهذا الحوض من ماي البحر وتمت تصيح فديتها وطلعناها

وعقب ردينا الغرفه سبحت النونو وكشختها ويلسنا اشوي وعقب قررنا انه نسير The Walk ممشى دبي وهاي خامس مره اسير ذا ووك

وهني أول ماوصلنا واسمحولي ع التصوير الردئ التصوير اللي عندي مب واضح او باحرى ماعرف كيف اضبط الكيمرا ع الوضع الليلي وماصورت واايد لاني استحيت ههههه زحمه مادري كيف اللي يصورون كل شي يوم يسون تقرير احس نحن نستحي

وقررنا نتعشى بمطعم on the border المكسيكي ياااي اموت ع الاكل المكسيكي

أو مادخلنا يلسنا ع طرف ويابو لميمي بيبي شير وعطوها دفتر تلوين


فدييييييييييييييت اللي يشخبط أنااا علني افداه

مطعم مكسيكي بدون الناتشوز مايصير يمي يمي اموت انا ع الناتشوز

وفرنش فرايز

وهذا اكل ريلي كان عباره عن مشاوي بس نحن نسمي هالاكله تسسسسسسسسسسسس خخخخخخخ

لانه اول مايبونها يكون نفس صوت الزيت جي تسسسسسس ههههه

وهذا اكلي عباره عن قطعة لحم بالصلصه وعيش وفاصوليا سودا
ومادري مع انه اكلهم يعني مش سبايسي عادي يعني بس قمنا نعرق ونحن ناكل واستوا الجو حار!!

كلنا و طلعنا نتمشى بس من يقول عفان الله بطني واايد حساس قام يعورني وماقدرت اكمل تمشينا شوي وردينا الفندق

هني ونحن طالعين

الفندق من بعيد

وصلنا الفندق ورقدت مريوم ويلسنا نطلع تلفزيون ندور فلم
وع الساعه 1 طلبنا من الروم سيرفيز مزه شرقيه مقبلات بسيطه وعصير كوتيل كلنا ورقدنا

والمفروض انه انش من وقت عشان الريوق بس طبعا مثلي ومثل ريلي يحبون الرقاد مافيه عفانا الله
رقدنا لين 11 وفتنا الريوق وطبعا نشينا وانا اقوله كله بسبتك ماترقيقنا وهو يقولي انتي ماوعيتيني !!
ورتبنا اغرضنا وسوينا شك اوت الساعه 12


اللي عيبني بالفندق انه فيه الكثير من الانشطه والمطاعم  يعني تغنيج انج تطلعين من الفندق
واللي ماعيبني انهم اخرونا بالشك ان وغير انه كان مزدحم يمكن عشان العيد واايد بعيد الصراحه وبس




وبش هههههه






هذا تقريري المتواضع ان شاءالله عيبكم واسمحلولي ع اي غلطه
واي سؤال انا حاضره والسموحه
ااااااااااااااااه واخيرا خلصت نصدقون ماتوقعت ان كتابة التقرير صعب
من 5 ايام وانا اكتب التقرير خخخخ وااايد يعلق عندي يوم احمل الصور
يالله بالدور ابا اجوف تعليقاتكم الحلوه هههه